"انا لسه هناك"
"أشخاص كتير بعد أنتهاء أي علاقة سواء كانت صداقة حب ،جواز، خطوبة ، بيفضلوا حابسين نفسهم جوا الموقف، بيفضلوا يعيدوا ويكرروا نفس السيناريو بيعيدوا المشهد من الاول، يفتكروا كل كلمة اتقالت، ويعيشوا نفس مشاعر الضعف والحزن وكسرة القلب من تاني..
انتوا لسه عايشين في الموقف دا ليه، مستنين اي، العلاقة انتهت خلاص، منفضلش فاتحين شاته بالساعات مستنين مسج ، متابعينة على السوشيال ميديا وشايفينه عايش حياته وانتوا لسه مستنينه يرجع ويديكوا اجابة:
هو سابنا ليه؟.
مكناش كافيين ليه؟.
اي عيوبنا إلي خلته يمشي؟.
بنفقد الثقة في نفسنا، نبقا خايفين ندخل في اي علاقة لأحسن يتكرر نفس السيناريو..
الحقيقة إن سنين بتعدي وأنت لسه هناك مع آخر ذكري، واقفين ومستنين والدنيا بتمشي عادي والطرف التاني عايش حياته بكل أنانية..
ما هو انت لسه واقف مستني أي، عقاب ربنا في الشخص الي أذاك، مستني يرجع يقلك أنا اكتشفت إنك كنت أفضل شئ في حياتي، أنا اسف إني خسرتك، أنا عرفت قيمتك، صح مستني الرد دا، أو مستني يقلك تعال نبدأ من جديد ونمسح الي فات باستيكية، وأنت يا غبي وهتكمل، يا تقصر المسافة وتبعد في هدوء...
بس الأفضل إنك تبعد، وتحاول تنسي، وتأخذ قرار إن الشخص دا مبقاش مهم عندك، لازم تتعافي بالتدريج، وتكون صريح مع نفسك، ومتفرطش في مشاعرك لأنها غالية، والشيء الغالي بنحتفظ بيه في مكان أمن بعيد عن أي حد، ليتسرق، كذلك حافظ على مشاعرك، لانها غالية وأنت غالي وتستحق...
افتكر ديما كلمة تستحق:
تستحق علاقة تكون فيها زي ما أنت من غير تزييف،
تستحق شخص يشوفك محور الكون،
تستحق شخص يخاف يعمل أي تصرف الي أم يرجعلك ويأخذ رأيك،
شخص يخاف يجرحك، يخاف عليك أكتر من نفسه،
شخص يغير من نفسه عشانك،
لو ملاقتش العلاقة الي تحس فيها بالأمان، أرحل، بقالهالك خد بعضك وأجري بأقصى ما عندك، وياربت نقتنع أنها
خلاص خلصت وأنت مفروض تمشي من هناك........ "
"اوركيدا🍁"